Primatus velocitatis ferriviariae
: Nuntii Latini

05.04.2007, klo 17.11

Tramen Francogallicum celeritatem ferriviariam omnium temporum maximam consecutum est.

Velocitas enim eius experimento prope Lutetiam Parisiorum hac septimana facto ad quingena septuagena quina chiliometra horalia crevit. Constabat vehiculum ex tribus curribus, qui rotis praegrandibus praediti erant, et propellebatur duabus machinis vectoriis summae efficacitatis.