Concentus ecclesiasticus Latinus
: Nuntii Latini

23.03.2007, klo 08.42

Chorus Neapolitanus musicae barocae deditus nomine Mysterium vocis die Lunae (19.3.) vesperi Helsinkii in Ecclesia Iohannis sacra concentum Latinum edidit.

Programma imprimis ex tribus hymnis Latinis mediaevalibus constabat, quorum modi a musicographis Neapolitanis saeculo duodevicesimo compositi erant.

Cantus ecclesiastici, quos ille chorus mira arte praesentabat, erant "Dies irae", "Stabat mater", "Veni Creator Spiritus".