Navis oneraria a piratis occupata
: Nuntii Latini

02.03.2007, klo 14.47

Die Dominico (25.2.) piratae navem onerariam, a Nationibus Unitis conductam, apud oram Somaliae occupaverunt.

Illa navis auxilium cibarium in Somaliam portabat. Piratae nondum de pecunia redemptionis aut de aliis postulatis suis nuntiaverunt neque de sorte nautarum, qui duodecim numerabantur, quicquam compertum est.