From YLE:

Genera animalium rarissima
: Nuntii Latini

23.02.2007, klo 10.33

Consociatio zoologica Londinensis consilium iniit, quo prohibere conatur, ne genera animalium omnium rarissima omnino emoriantur.

Hoc anno in illo indice circiter decem species insunt, e. gr. vespertilio in orbe terrarum omnium minimus et delphinus quidam in flumine Ianzekiango vivens.

Sunt autem, qui metuant, ne hoc delphinorum genus iam disparuerit.


Reijo Pitkäranta
Nuntii Latini, Finnish Broadcasting Company (YLE)
(used with permission)