Flumina Europae culturalia
30.03.2006

Consilio et auctoritate Universitatis Ferrariensis inceptum paneuropaeum initum est ad illustrandum, quantam vim flumina ad culturam in variis Europae partibus substruendam habuerint.

Ex Finnia in numerum horum fluviorum culturalium delectus est amnis Aura, qui per Aboam sive urbem Turku permeans in mare influit.

Cetera flumina huc pertinentia sunt Abellanus, amnis Italiae, qui vulgo Volano appellatur, nec non Rhodanus, Vistula et Anas, flumen Portugalliae, cui nomen hodiernum Guadiana.


Reijo Pitkäranta
Nuntii Latini, Finnish Broadcasting Company (YLE)
(used with permission)

For more news in Latin, be sure to check out Ephemeris : De Perside percutienda


Radio Bremen's (monthly) version of Nuntii Latini has been updated too ...