De praenominibus infantium
30.03.2006

Ex statistica onomastica nuper facta cognoscitur, quaenam praenomina parentes Finni liberis suis anno praeterito natis libentissime indiderint.

Ex nominibus puerorum primum locum obtinet Veeti, cum in puellis praenominandis Emma apud familias tam Finnice quam Suetice loquentes plurimum gratia valeat.

Nomen Emma a suo pristino favore nihil recessit, nam etiam anno superiore ceteris aura populari antecellebat.