Memoria tsunami anniversaria
30.12.2005

Die Lunae, id est die festo Stephani protomartyris (26.12.), unus annus praeterierat ex illa ingenti clade naturae in Asia facta, quod tsunamum appellatur.

Memoria hominum ea calamitate mortuorum, quorum numerus circiter ducentorum triginta milium esse existimatur, in diversis orbis terrarum partibus recolebatur candelis accensis, silentiis tristibus actis et precationibus effusis. Regimen Thailandiae magnam peregrinorum multitudinem in suam terram invitaverat ad caerimonias memoriales celebrandas. Hospites, qui ex Finnia venerant, officio divino in urbe Phuket habito interfuerunt.


Nuntii Latini, Finnish Broadcasting Company (YLE)
(used with permission)

The online Latin newspaper Ephemeris has also been updated ... latest headline: Californiam esse inundatam