De moribus nataliciis Europaeis
23.12.2005

Mores sollemnnia natalicia Christi celebrandi in diversis Europae terris aliquatenus inter se differunt.

Germani calendaria antenatalicia in deliciis habent, in quibus viginti quattuor munuscula insunt.

Britannorum magni interest, ut, priusquam pace natalicia frui incipiant, orationem reginae decem minutas durantem audiant.

Quod ad Nederlandiam pertinet, multae familiae vigilia nativitatis Domini in ecclesiam proficiscuntur et die natali Christi ad cenam sollemnem congregantur.

In Italia, ubi tempus natalicium inde a die octavo mensis Decembris usque ad festum trium regum extenditur, maximum symbolum festi nativitatis Domini est praesepe, quod variis figuris manu factis refercitur.

Puer in Bethlehem natus ibidem ultimus ponitur idque paulo post mediam noctem sacram fieri solet.



Reijo Pitkäranta
Nuntii Latini, Finnish Broadcasting Company (YLE)
(used with permission)

... and for more Latin news, be sure to check out Ephemeris!