Dinosauri politici (10.06.2005)

Cum praesidens Jacques Chirac et cancellarius Gerhard Schröder adhuc ratificationem constitutionis membris Unionis commendavissent, Liam Fox, politicus Britannus factionis conservativae, illos dinosauros politicos appellavit, qui una cum exercitu eurocratarum se gerere pergerent, tamquam nihil accidisset. Idem flagitavit, ut constitutio, quae et Britanniae et Europae mala esset, pro mortua haberetur.


Tuomo Pekkanen
Nuntii Latini, Finnish Broadcasting Company (YLE)
(used with permission)