Bulgaria et Romania membra Unionis Europaeae futura (29.04.2005, klo 08.53)

Bulgaria et Romania Luxemburgi pactum subscripserunt, ex quo in Unionem Europaeam adiungerentur.

Si condiciones membris Unionis positas praestiterint, anno bis millesimo septimo ineunte in Unionem accipientur. Si necesse erit, res in subsequentem annum differetur. Utraque natio pacto subscripto observatores in organa Unionis mittere potest.


Tuomo Pekkanen
Nuntii Latini, Finnish Broadcasting Company (YLE)
(used with permission)