Quid Benedictus XVI dixerit (22.04.2005, klo 11.22)
Summus pontifex recens electus, dum multitudinem sibi maximo clamore et plausu gratulantem manibus sublatis salutat: "Fratres et sorores carissimi", inquit, "post magnum papam Ioannem Paulum II mortuum cardinales me, simplicem et humilem in vinea Domini operarium, eligere dignati sunt."
His verbis dictis Beatissimus Pater, brevi precatione facta, more translaticio benedictionem urbi et orbi dedit.
Missam sollemnem ordinationis suae papa Benedictus XVI die Dominico proxime futuro in Basilica Sancti Petri celebrabit.
Reijo Pitkäranta
Nuntii Latini, Finnish Broadcasting Company (YLE)
(used with permission)
Summus pontifex recens electus, dum multitudinem sibi maximo clamore et plausu gratulantem manibus sublatis salutat: "Fratres et sorores carissimi", inquit, "post magnum papam Ioannem Paulum II mortuum cardinales me, simplicem et humilem in vinea Domini operarium, eligere dignati sunt."
His verbis dictis Beatissimus Pater, brevi precatione facta, more translaticio benedictionem urbi et orbi dedit.
Missam sollemnem ordinationis suae papa Benedictus XVI die Dominico proxime futuro in Basilica Sancti Petri celebrabit.
Reijo Pitkäranta
Nuntii Latini, Finnish Broadcasting Company (YLE)
(used with permission)