Germani laetitia affecti sunt (22.04.2005, klo 11.21)
Germani, in iis cancellarius foederalis Gerhard Schröder, ubi primum concivem suum papam creatum esse audiverunt, magna laetitia affecti sunt arbitrati illam electionem suae nationi non parvae laudi fore.
Qui nuntius iis eo iucundior erat, quod iam dimidium fere millennium est, cum vir e Germania oriundus pontificatum habuit: is erat papa Hadrianus VI, qui saeculo sexto decimo ineunte sesquialterum fere annum sedem apostolicam tenuit.
Reijo Pitkäranta
Nuntii Latini, Finnish Broadcasting Company (YLE)
(used with permission)
Germani, in iis cancellarius foederalis Gerhard Schröder, ubi primum concivem suum papam creatum esse audiverunt, magna laetitia affecti sunt arbitrati illam electionem suae nationi non parvae laudi fore.
Qui nuntius iis eo iucundior erat, quod iam dimidium fere millennium est, cum vir e Germania oriundus pontificatum habuit: is erat papa Hadrianus VI, qui saeculo sexto decimo ineunte sesquialterum fere annum sedem apostolicam tenuit.
Reijo Pitkäranta
Nuntii Latini, Finnish Broadcasting Company (YLE)
(used with permission)