I think the Nuntii Latini page has changed (or they're having server problems today) ... in any event, here's something to work through:

Papa diem supremum obiit (12.04.2005, klo 16.47)

Pontifex Maximus Ioannes Paulus II postridie Kalendas Apriles (2.4.) vesperi in diaeta sua privata diem supremum obiit.

Constabat eum per aliquot septimanas morbo organorum respirationis laborasse, sed ipsa mortis causa nuntiatur fuisse cardioplegia cum sepsi inflammatoria.

Ad lectum morientis duo secretarii privati una cum nosocomis et medicis vigilabant, donec ille ?Amen? dicens ultimum spiritum reddidit.

Ex vita discessit octoginta quattuor annos natus, cum ecclesiae catholicae plus unius miliardi hominum amplius viginti sex annos praefuisset.

Morte papae urbi et orbi divulgata ianuae aeneae in porticu Basilicae Sancti Petri patentes ad signum luctus clausae et luminaria eiusdem basilicae obserata sunt.

Eodem tempore campanae ecclesiarum sonare coeperunt.


Reijo Pitkäranta
Nuntii Latini, Finnish Broadcasting Company (YLE)
(used with permission)